www.alda.is

ALDA vill benda á að félagið á nýja heimasíðu og þessi síða er ekki lengur í notkun.

Við erum á alda.is
//
ALDA has a new website! Please go to alda.is

🙂

ALDA – félag um sjálfbærni og lýðræði

Auglýsingar
Birt í Fréttir | Merkt , , , , , | Færðu inn athugasemd

Ný heimasíða!

Lýðræðisfélagið hefur opnað nýja heimasíðu, http://alda.is/, og mun því loka þessari síðu fljótlega. Við erum að vinna í því að færa áskrift að síðunni yfir á þá nýju. Það kemst vonandi í gagnið sem fyrst.

Það er stjórnarfundur annað kvöld, þriðjudagskvöld 4. okt. kl. 20.30 í Grasrótarmiðstöðinni að Brautarholti 4.
Dagskrá fundar:
1. Aðalfundur og lagabreytingatillögur
2. Guðni Karl Harðarson kynnir sjálfbærniþorp
3. Heimasíða
4. Önnur mál

Lagabreytingartillögurnar má skoða hér: http://alda.is/?p=568

Þetta er síðasti stjórnarfundur fyrir aðalfundinn en hann verður laugardaginn 15. október n.k.

Birt í Fréttir | 5 athugasemdir

Fundargerð – Lýðræðislegt hagkerfi 22. sept.

Fundur í málefnahópi um lýðræðislegt hagkerfi, 22. sept. 2011 kl. 20:30 í Grasrótarmiðstöðinni Brautarholti 4.

Mætt voru Guðmundur D. Haraldsson, Guðni Karl Harðarson, Júlíus Valdimarsson, Guðmundur Ragnar Guðmundsson, Guðmundur Ágúst Sæmundsson, Bjarki Hilmarsson, Þorvaldur Þorvaldsson, Sólveig Alda Halldórsdóttir (sem stýrði fundi) og Björn Þorsteinsson (sem ritaði fundargerð). Lesa meira->

Birt í Fréttir | Merkt , , | Færðu inn athugasemd

Björgun sjávarútvegsins.

Lýðræðisfélaginu hefur verið boðið að taka þátt í kaffispjalli um sjávarútveginn sem Húmanistaflokkurinn stendur fyrir.
Þau Sólveig Alda Halldórsdóttir og Björn Þorsteinsson munu halda stutt erindi um lýðræðisvæðingu atvinnulífsins. Aðrir frummmælendur eru Finnbogi Vikar, ráðgjafi í sjávarútvegi og Júlíus Valdimarsson, ráðgjafi um vinnumál.

Umfjöllunin byggist á stuttu innleggi frummælenda og þáttöku fundarmanna í umræðum.

Fundurinn er haldinn á Café Haiti fimmtudagskvöldið 29. sept. og hann hefst kl. 20.30.
Nánari upplýsingar eru hér.

Birt í Fréttir | Færðu inn athugasemd

Opið lýðræði!

Lýðræðisfélagið Alda fagnar framkominni tillögu allsherjarnefndar Alþingis um að ríkisstjórnarfundir verði hljóðritaðir en fordæmir að almenningur þurfi að bíða í 30 ár eftir því að heyra upptökurnar. Lesa meira

Birt í Fréttir | Ein athugasemd

Fundur 22. sept – Lýðræðislegt hagkerfi.

Loksins loksins fara málefnahóparnir af stað.

Nú er fundur næstkomandi fimmtudagskvöld, 22. sept., í hópnum um Lýðræðislegt hagkerfi.
Fundarstaður er Grasrótarmiðstöðin að Brautarholti 4 og fundurinn hefst klukkan 20.30.

Dagskráin er á þessa leið:
1. Stytting vinnutíma – Guðmundur D. Haraldsson
2. Lýðræðisleg fyrirtæki – næstu skref
3. Hvað með lífeyrissjóði?
4. Önnur mál.

Hlökkum til að sjá ykkur.

Birt í Fréttir | Færðu inn athugasemd

Húsnæði fyrir grasrót.

Við höfum, ásamt fjölmörgum grasrótarhópum, tekið húsnæði að Brautarholti 4 til leigu. Húsið gengur nú undir nafninu Grasrótarmiðstöðin. Alda fagnar því að vera komin með samastað en hvetur félagsmenn til að mæta og leggja hönd á plóg við að koma húsinu í stand. 🙂

Alda hefur sent eftirfarandi hvatningu til ráðherra, forseta Alþingis, þingmanna og forsvarsmanna sveitarfélaga.

Lýðræðisfélagið Alda hvetur ríkisstjórn Íslands, Alþingi, Reykjavíkurborg og önnur sveitarfélög til þess að útvega grasrótarfélögum húsnæði og aðstöðu.

Grasrótarstarf félagasamtaka er mikilvægur hluti lýðræðisins, þar sem fólk kemur saman og vinnur að málefnum og uppbyggingarstarfi. Grundvöllur slíks starfs er aðgengilegt húsnæði.

Rannsóknir hafa sýnt að virkni félagasamtaka er til marks um heilbrigt samfélag og hefur í för með sér jákvæð áhrif langt út fyrir félagsstarfið sem slíkt. Í kjölfar hrunsins hafa vaknað til lífsins fjölmargir hópar sem láta sig varða málefni samfélagsins sem hafa ekki aðgang að húsnæði.

Og félaginu berast viðbrögð…

„Í Svalbarðsstrandarhreppi leggjum við félögum í sveitarfélaginu til aðstöðu til fundarhalda og annars félagsstarfs án endurgjalds sé eftir því leitað. Nokkur félög sem starfa í sveitarfélaginu fá auk þess styrki til að mæta kostnaði sem til fellur við rekstur þeirra. Við viljum, eins og þið, hvetja til þátttöku íbúa í félagsstarfi, enda er það mikilvægur þáttur í að skapa og viðhalda samfélagi eins og okkar. Því meira sem félags- og grasrótarstarfið er því meira lifandi er samfélagið“ sagði Jón Hrói, sveitarstjóri í bréfi til félagsins.

Birt í Fréttir | Færðu inn athugasemd